Областной экологический конкурс «Зелёный витамин»

27 сентября состоялся 16-й областной экологический конкурс «Зелёный витамин», где наше учреждение заняло 1 место.

Калі і ёсць што ў свеце вечнае

Непадуладнае бегу дзён,

Ты запытай, і я адкажу табе:

Гэта сэрца зямлі маёй.

Сэрца зямлі маёй… Такую назву носіць выстава нашай школы і прысвечана яна малой Радзіме.

Малая Радзіма… для адных –

Гэта гул гарадоў буйных.

Для другіх — ціхі шэпт палёў

Або веліч дрымучых лясоў.

Але ў кожнага з нас свая

Асаблівая гэта зямля.

Школу я лічу сваёй Радзімай,

Дзе з маленства сэрцу міла ўсё.

Станеш маім лепшым ўспамінам

Куды б мяне не кінула жыццё.

На нашай выставе вы можаце ўбачыць, як у сваёй рабоце вучні разам з настаўнікамі перадалі ўсю сваю любоў да роднай школы-інтерната.

Малой Радзімай я лічу Бярозкі,

Дзе так утульна ў водары садоў,

Прыемна слухаць мне рачулкі плёскат,

Бо не люблю я шумных гарадоў.

А калі раптам на душы трывога,

І слёзы парушаюць цішыню

Зайду ў царкву, звярнуся я да Бога –

І зноў люблю і веру ў дабрыню.

Наша вёска – гэта невялікі ўтульны куток на беразе ракі Іпуць. А галоўнае духоўнае багацце нашай вёскі – гэта царква Іаана Багаслова. Вашай увазе прапанавана работа нашых выхаванцаў, дзе яны паспрабавалі раскрыць усю прыгажосць і непаўторнасць нашай царквы.

Вуліцы, людзі, машыны, фантаны,

Дамы і праспекты, вітрыны, рэкламы…

Вось гэта Радзіма мая, горад мой,

Я сэрцам і думкамі вечна з табой.

Гаворачы пра сваю малую Радзіму, мы не можам абмінуць сваёй увагай і наш родны горад Гомель. Гомель – адзін з самых старажытных гарадоў Беларусі. Сэрца Гомеля – гэта палацава-паркавы ансамбль, частку якога вы зараз бачыце ў выкананні нашых выхаванцаў.

Малая Радзіма – яна шматтаблічная. Для адных — гэта родны горад, вуліца ў горадзе ці невялікі дворык, вёска, дзе прайшлі лепшыя дзіцячыя гады, для іншых – кавалачак дзікай прыроды, які цешыў вока і дарыў пачуццё напоўненасці і спакою. А для тых, хто з’ехаў шукаць шчасце ў іншыя краіны, малой Радзімай стала Беларусь.

Як заплюшчу вочы – бачу журавоў,

Сумна так курлычуць і завуць дамоў,

Не стану шукаць шчасця я ў чужой краіне,

Бо назаўжды душой адданы я Радзіме.

Наша Радзіма – Рэспубліка Беларусь. Самым вядомым аб’ектам архітэктуры нашай краіны з’яўляецца Нацыянальная бібліятэка. Яе ведаюць не толькі ў нас у краіне, але і далёка за яе межамі. На нашай выставе вы можаце ўбачыць дадзеную кампазіцыю, прадстаўленую выхаванцамі.

Таксама на выставе вы можаце пабачыць і іншыя работы нашых вучняў, у якіх выяўляецца ўся іх любоў да роднага краю, да сваёй Радзімы.

Радзіма каб квітнела, я ўсё зрабіці мушу –

Каб прыгажосці гэтай дзівіўся цэлы свет!

З павагай ды пяшчотай, што захлынаюць душу,

Я ў сэрцы назаўсёды твой захаваю след.